၂၀၂၂-၂၀၂၃ ပညာသင်နှစ်၊ (၂-၂-၂၀၂၃)ရက်နေ့တွင် သင်တန်းနှစ်အသီးသီးမှ ကျောင်းသား၊ကျောင်းသူများပါဝင်သော အဖွဲ့(၅)ဖွဲ့ မှ မြန်မာ့ရိုးရာထမင်းနဲထိုးပြိုင်ပွဲ ကို ကျင်းပခဲ့ ပါသည်။
News
(၇၅)နှစ်မြောက်စိန်ရတုလွတ်လပ်ရေးနေ့ အထိမ်းအမှတ် စာစီစာကုံးပြိုင်ပွဲကျင်းပခြင်း
၂၀၂၃-ခုနှစ်၊ ဇန်နဝါရီလ (၄)ရက်နေ့တွင် ကျရောက်မည့် (၇၅)နှစ်မြောက်စိန်ရတုလွတ်လပ်ရေးနေ့ အား ကြိုဆိုဂုဏ်ပြုသောအားဖြင့် ကွန်ပျူတာတက္ကသိုလ်(ဘားအံ) ရှိ ကျောင်းသား၊ ကျောင်းသူများ အား လွတ်လပ်ရေး၏တန်ဖိုး၊ လက်ဆင့်ကမ်းတာဝန်၊ မြန်မာ့လွတ်လပ်ရေးသမိုင်းနှင့် (၇၅)နှစ် စိန်ရတုတိုင် ကြိုးပမ်းခဲ့သည့် အချက်များကို သိရှိတာဝန်ယူတက်စေရန် ရည်ရွယ်၍ စာစီစာကုံးပြိုင်ပွဲ ကို (၂၆-၁၂-၂၀၂၂)ရက်၊ တနင်္လာနေ့ တွင် ကျင်းပခဲ့ပြီး၊ ကျောင်းသား၊ ကျောင်းသူ (၂၆)ဦးခန့် ပါဝင်ယှဉ်ပြိုင်ခဲ့ပါသည်။
၂၀၂၂-၂၀၂၃ ပညာသင်နှစ် မောင်မယ်သစ်လွင် ကြိုဆိုပွဲကျင်းပခြင်း
ကွန်ပျူတာတက္ကသိုလ်(ဘားအံ)၏ ၂၀၂၂-၂၀၂၃ ပညာသင်နှစ် တွင် တက်ရောက်ခွင့်ရရှိသော ကျောင်းသား၊ ကျောင်းသူများအား ကြိုဆိုသည့် မောင်မယ်သစ်လွင်ကြိုဆိုပွဲ အခမ်းအနားကို (၂၃-၁၂-၂၀၂၂)ရက်၊ သောကြာနေ့ နေလည် (၂း၀၀)နာရီ တက္ကသိုလ်ဘွဲ့နှင်းခန်းမတွင် ကျင်းပခဲ့ပါသည်။
မောင်မယ်သစ်လွင်ကြိုဆိုပွဲသို့ ကရင်ပြည်နယ်အစိုးရအဖွဲ့ ၊ ကရင်ပြည်နယ် ဝန်ကြီးချုပ် သီရိပျံချီ ဦးစောမြင့်ဦး၊ ကရင်ပြည်နယ်တရားလွှတ်တော်ချုပ် ဒေါ်ခင်ဆွေထွန်း၊ ကရင်ပြည်နယ် စီးပွားရေးရာဝန်ကြီး ဦးစောခင်မောင်မြင့်၊ ကရင်ပြည်နယ် သယံဇာတရေးရာဝန်ကြီး ဦးဇော်ဝင်း နှင့် ကရင်ပြည်နယ် လူမူရေးရာဝန်ကြီး ဦးစိုးလွင် တို့တက်ရောက်ခဲ့ပါသည်။
ကရင်ပြည်နယ် အစိုးရအဖွဲ့မှ မောင်မယ်သစ်လွင်များအတွက် ထောက်ပံ့ချီးမြှင့်ငွေ သိန်း(၂၀)ကျပ် ကို ချီးမြှင့်ခဲ့ပြီး၊ ကျောင်းသား၊ ကျောင်းသူများ၏ ကပြဖြေဖျော်မှုများကို ကြည့်ရှု အားပေး၍ ကျောင်းသား၊ ကျောင်းသူများနှင့် တွေ့ဆုံ နှုတ်ဆက် ကြိုဆိုခဲ့ပါသည်။
ကွန်ပျူတာတက္ကသိုလ်(ဘားအံ) မှ ပါမောက္ခချုပ်၊ ပါမောက္ခ၊ ဌာနမှူးများ၊ ဆရာ၊ ဆရာမများ တက်ရောက်ခဲပြီး မောင်မယ်သစ်လွင် (၉၁)ဦး အခြားကျောင်းသားသူများစုစုပေါင်း (၁၉၄)ဦး တက်ရောက်ခဲ့ပြီး အခမ်းအနားကို ပျော်ရွှင်စွာ ကျင်းပပြုလုပ်ပြီး မောင်မယ်သစ်လွင်များကို လှိုက်လှဲစွာ ကြိုဆိုခဲ့ကြပါသည်။
(၇၅)နှစ်မြောက်စိန်ရတုလွတ်လပ်ရေးနေ့ အထိမ်းအမှတ် နှင့် ဒီဇင်ဘာလ အားကစား ပြိုင်ပွဲများ ကျင်းပခြင်း
ကွန်ပျူတာတက္ကသိုလ်(ဘားအံ)၏ ၂၀၂၂-၂၀၂၃ ပညာသင်နှစ်၊ (၇၅)နှစ်မြောက်စိန်ရတုလွတ်လပ်ရေးနေ့ အထိမ်းအမှတ် နှင့် ဒီဇင်ဘာလအားကစားပြိုင်ပွဲများ ဖွင့်ပွဲအခမ်းအနားကို (၁၅-၁၂-၂၀၂၂)ရက် ကြာသာပတေးနေ့ ညနေ (၃း၀၀)နာရီတွင် တက္ကသိုလ် အားကစားရုံတွင် ကျင်းပခဲ့ပြီး၊ ကြက်တောင် ပြိုင်ပွဲ၊ ဖူဆယ်ဘောလုံးပြိုင်ပွဲများကို စတင်ယှဉ်ပြိုင်ခဲ့ပါသည်။
ယာဉ်စည်းကမ်း၊ လမ်းစည်းကမ်းဆိုင်ရာ အသိပညာပေးဟောပြောပွဲကျင်းပခြင်း
ကွန်ပျူတာတက္ကသိုလ်(ဘားအံ) ရှိ တက္ကသိုလ်ကျောင်းသား၊ ကျောင်းသူများအား ယာဉ်စည်းကမ်း၊ လမ်းစည်းကမ်းနှင့် ယဉ်အန္တရာယ်၊ လမ်းအန္တရာယ် ဆိုင်ရာ သိမှတ်စရာများ အသိပညာပေးဟောပြောပွဲ ကို (၁၂-၁၂-၂၀၂၂)ရက်၊ တနင်္လာနေ့၊ နေလည် (၂း၃၀)နာရီ မှ ညနေ(၄း၀၀)နာရီအထိ ဘွဲ့နှင်းခန်းမတွင် ပြုလုပ်ခဲ့ပါသည်။
ဟောပြောပွဲသို့ ကရင်ပြည်နယ်၊ ကုန်းလမ်းပို့ဆောင်ရေးဦးစီးဌာနမှ ဦးစီးမှူး ဒေါ်ခင်ခင်စီ၊ ဒုပြည်နယ်ဦးစီးမှူး ၊ ရဲမှူးကြီး ဦးဟန်ဝေ နှင့် ဒုရဲမှူး ဦးမျိုးကျော်ညွန် တို့မှ ယာဉ်လမ်းအမှတ်အသား၊ ယာဉ်စည်းကမ်း၊ လမ်းစည်းကမ်း ဆိုင်ရာ အသိပညာပေးဟောပြောခဲ့ကြပြီး၊ ဆရာ၊ ဆရာမ (၃၀)ဦးနှင့် ကျောင်းသား၊ ကျောင်းသူ (၁၉၀)ဦး တက်ရောက်ခဲ့ပါသည်။
